شائقین کی پسند کا خیال رکھتی ہوں سوناکشی سنہا

بالی وڈ اداکارہ سوناکشی سنہا نے کہا ہے کہ شائقین کی پسند کا خیال رکھتے ہوئے پرفارم کررہی ہوں۔

انھوں نے کہا کہ آنے والی فلم ''لٹیر''کی تشہیری مہم کا آغاز کیا ہے۔ سوناکشی کا کہنا ہے انھوں نے رومانوی فلم ''لٹیرا'' کی تشہیری مہم کو زبردست انداز میں چلانے کا فیصلہ کیا ہے۔ انھوں نے کہا کہ ''لٹیرا ''میں بہت مشکل کردار نبھایا ہے ۔اس پر بڑی محنت کرنا پڑی۔




سوناکشی اپنی فلموں کی تشہیر کیلیے 20 دن رکھتی ہیں لیکن اس بار اس مقصد کیلیے انھوں نے 40 دن رکھے ہیں۔ فلم میں ان کے مقابل رنویر سنگھ نے کردار ادا کیا ہے۔ ذرائع کے مطابق فلم میں سوناکشی کا کردار جاندار ہے اور ان کا خیال ہے کہ یہ فلم ان کے کیرئیر کو آسمان کی بلندیوں تک لے جا سکتی ہے۔ فلم اس برس 5 جولائی کو ریلیز کی جائے گی۔