ٹی وی کی معروف اداکارہ ماریہ واسطی نے کہا ہے پاکستان میں تبدیلی اس وقت تک ممکن نہیں ہوگی جب تک عوام اپنے ووٹ کا درست استعمال نہیں کرے گی۔

ایک طرف تو ہماری عوام آزمائے ہوئے سیاستدانوں کو دوبارہ منتخب کرکے اعلیٰ ایوانوں تک پہنچا دیتی ہے اور دوسری جانب انتخابات کے روزووٹ کا حق اداکرنے کیلیے بھی نہیں جاتے جس کی وجہ سے حالات جوں کے توں ہیں۔

ان خیالات کا اظہار ماریہ واسطی نے ''ایکسپریس'' سے گفتگوکرتے ہوئے کیا ۔ انھوں نے کہا کہ میں کراچی میں کام کررہی ہوں لیکن اپنا ووٹ ڈالنے کیلیے میں خاص طورپرلاہور آؤں گی۔