نقیب اللہ دہشت گرد تھا یا نہیں بعد میں بتاؤں گا راؤ انوار

راؤ انوار کو انسداد دہشتگردی کی عدالت میں پیش کیا گیا فوٹو: فائل

---

NEW YORK: سابق ایس ایس پی ملیر راؤ انوار نے کہا ہے کہ نقیب اللہ دہشت گرد تھا یا نہیں یہ میں بعد میں بتاؤں گا۔

کراچی میں انسداد دہشت گردی کی عدالت کے باہر میڈیا سے بات کرتے ہوئے راؤ انوار نے کہا کہ نقیب اللہ دہشت گرد تھا یا نہیں، یہ میں بعد میں بتاؤں گا، مقدمے کا چالان جمع ہونے دیں سب پتہ چل جائے گا۔

اس خبر کو بھی پڑھیں : راؤ انوار کو جیل بھیج دیا گیا

صحافی نے سوال کیا کہ پولیس کے مطابق آپ کے سارے مقابلے جعلی تھے، جس پر راؤ انوار نے کہا کہ جے آئی ٹی بننے کے بعد سب واضح ہوجائے گا، سب کو بتاؤں گا پولیس مقابلے جعلی تھے یا نہیں۔

اس سے قبل راؤ انوار کو انسداد دہشتگردی کی عدالت میں پیش کیا گیا ، اس موقع پر سیکیورٹی کے انتہائی سخت انتظامات کئے تھے تاہم روانگی کے وقت راؤ انوار کو جیل لے جانے والی گاڑی خراب ہوگئی۔