آرمی چیف کی ہدایت پر شمالی وزیرستان میں جرگہ ڈی جی آئی ایس پی آر کی شرکت

جرگے میں ایڈیشنل چیف سیکریٹری فاٹا، پولیٹیکل ایجنٹ اور تاجروں رہنماؤں کی بھی شرکت (فوٹو:فائل)

---

آرمی چیف کے حکم پر شمالی وزیرستان میں مقامی افراد کے روزگار کی بحالی سے متعلق عمائدین کا جرگہ منعقد ہوا جس میں ڈی جی آئی ایس پی آر اور دیگر نے شرکت کی ہے۔

پولیٹیکل ایجنٹ شمالی وزیرستان کے مطابق ایجنسی کے صدر مقام میرانشاہ میں مقامی عمائدین کے جرگے کا انعقاد کیا گیا جس میں ڈی جی آئی ایس پی آر میجر جنرل آصف غفور، جی او سی شمالی وزیرستان، ایڈیشنل چیف سیکریٹری فاٹا اور پولٹییکل ایجنٹ، صدر انجمن تاجران پاکستان اجمل بلوچ سمیت تاجروں رہنماؤں نے شرکت کی۔

یہ بھی پڑھیں: ڈی جی آئی ایس پی آر سے ملاقات، شمالی وزیرستان کے تاجروں کا دھرنا ختم

جرگے میں شمالی وزیرستان ایجنسی کے متاثرہ دکان داروں کے معاوضے کے معاملے کو زیر غور لایا گیا جب کہ مالی نقصان کے تخمینے کے لیے پولیٹیکل ایجنٹ کی سربراہی میں کمیٹی قائم کرنے کا فیصلہ کیا گیا، نقصان کے ازالے تک کمیٹی ہفتہ وار اجلاس منعقد کرے گی۔

جرگہ آرمی چیف کی ہدایت پر منعقد ہوا، میجر جنرل آصف غفور

ڈی جی آئی ایس پی آر میجر جنرل آصف غفور نے بتایا کہ یہ جرگہ آرمی چیف کی ہدایت پر منعقد ہوا، روزگارکی بحالی کے لیے دکانوں کے اندر سامان کا مسئلہ تھا، ایسا کوئی بھی مسئلہ نہیں جو بات چیت کے ذریعے حل نہ ہوسکے، ریاست، حکومت اور سیکیورٹی فورسز سے زیادہ کوئی اور مسائل کے حل کے لیے فکر مند نہیں ہو سکتا۔

Consolidating dividends of peace.Through hardships is road to peace.Hard times are over, good ones in sight.Let's stay steadfast.Difficulties/comforts both are shared.
We can do it,we are doing it,we shall IA do it together till final destination of enduring peace in our Pakistan pic.twitter.com/EO8NhWUBjT

- Maj Gen Asif Ghafoor (@OfficialDGISPR) April 22, 2018

پاک فوج کے ترجمان نے بتایا کہ پاک فوج نے آپریشنز پلاننگ کے تحت کیے پہلے مرحلے میں علاقے کو دہشت گردوں سے پاک کرنا تھا، قبائلیوں نے فورسز کے ساتھ مل کر قیام امن کے لیے بڑی قربانیاں دیں اور ان ہی قربانیوں کے باعث فاٹا میں امن قائم ہوا۔