مجھے پرویز مشرف کا مستقبل روشن نظر آرہا ہے یوسف رضا گیلانی

الیکشن کمیشن نے اگر ووٹرز کو ٹرانسپورٹ کی سہولت فراہم نہ کرنے دی تو انتخابات ناکام ہو جائیں گے، یوسف رضا گیلانی . فوٹو: فائل

---

KARACHI: سابق وزیر اعظم سید یوسف رضا گیلانی کہتے ہیں کہ ان کے ایک عزیز پرویز مشرف کی جماعت میں شامل ہوگئے ہیں جس سے انہیں لگتا ہے کہ سابق صدر کا ملکی سیاست میں مستقبل روشن ہے۔

ملتان میں میڈیا سے بات کرتے ہوئے سابق وزیر اعظم نے کہا کہ ملک میں ہر صورت عام انتخابات اپنے مقررہ وقت پر ہونے چاہئیں، الیکشن ملتوی ہوئے تو بحران پیدا ہوگا۔ انہوں نے کہا کہ ان کے پاس کوئی بلٹ پروف گاڑی نہیں۔ الیکشن کمیشن نے اگر ووٹرز کو ٹرانسپورٹ کی سہولت فراہم نہ کرنے دی تو انتخابات ناکام ہو جائیں گے۔

یوسف رضا گیلانی کا کہنا تھا کہ ملک میں جتنی ضرورت روٹی کپڑا اور مکان کی آج ہے اس سے پہلے کبھی نہیں تھی۔ ان کے وزارت عظمیٰ میں لوڈشیڈنگ کا دورانیہ اتنا زیادہ نہیں تھا وہ بھی فورس لوڈ شیڈنگ کی مذمت کرتے ہیں۔