کل آخری دن عوام اپنے ووٹ کا اندراج یقینی بنائیں صوبائی الیکشن کمشنر

صوبائی الیکشن کمشنر سندھ محمد یوسف خان خٹک نے عوام سے ایک بار پھر سے کہا ہے کہ انتخابی فہرستوں میں اندراج، اخراج و درستی کے لیے صرف ایک روز باقی رہ گیاہے۔

صوبائی الیکشن کمشنر سندھ محمد یوسف خان خٹک نے عوام سے ایک بار پھر سے کہا ہے کہ عام انتخابات2018 کی تیاریوں کے باعث انتخابی فہرستوں میں اندراج، اخراج و درستی کے لیے صرف ایک روز باقی رہ گیاہے لہٰذا ووٹ نہ ڈالنے کی مایوسی سے بچنے کے لیے قریبی ڈسپلے سینٹر یا ضلعی الیکشن کمشنر سے رجوع کر کے یقینی ووٹ کا اندراج کراکے ایک ذمے دار پاکستانی بنیں اور اپناشناختی کارڈ نمبر 8300 پر ایس ایم ایس کرکے ووٹ کی معلومات حاصل کریں، ووٹ اندراج کے فارم اور قائم ڈسپلے سینٹرز کی تفصیلات ویب سائٹ www.ecp.gov.pk پر دستیاب ہیں، فارم جمع کراتے ہوئے اصل شناختی کارڈلازمی ہمراہ لائیں اور فارم کے ساتھ شناختی کارڈکی کاپی بھی منسلک کریں۔


صوبائی الیکشن کمشنر نے مزید کہا کہ عوام ووٹرلسٹوں میں ووٹ اندراج ضرور کرائیں تاکہ آپ کا ووٹ آپ کی آواز بن سکے۔