مقبوضہ کشمیر میں بھارتی فوجیوں کی طرف سے ضلع اسلام آباد کے علاقے لال چوک میں طلبہ پر امن مظاہرے پر فائرنگ اور پیلٹ گنوں سمیت طاقت کے وحشیانہ استعمال سے متعدد افراد زخمی ہو گئے۔

کشمیر میڈیا سروس کے مطابق فیاض وانی سمیت زخمی طلبہ کو ہسپتال میں منتقل کر دیا گیا۔ فیاض کے سینے اور پیٹ پر پیلٹ گن سے چھروں کے زخم آئے ہیں۔ اسلام آباد، شوپیاں اور پلوامہ میں بھارت مخالف مظاہرے ہوئے۔ طلبہ اور بھارتی فوجیوں کے درمیان جھڑپیں بھی ہوئیں۔