چین کے تین منزلہ بار میں آتشزدگی سے 18 افراد ہلاک

پولیس نے آتشزدگی کے واقعے میں ایک مشکوک شخص کو حراست میں لے لیا ہے۔ فوٹو : فائل

---

چین کے شہر کنگیان میں واقع ایک بار میں اچانک آگ بھڑک اُٹھی جس کی زد میں آکر 18 افراد ہلاک اور پانچ زخمی ہوگئے۔

بین الاقوامی خبر رساں ایجنسی کے مطابق شمالی چین کے جنوب مشرقی شہر کنگیان میں واقع ایک ریسٹورینٹ میں آتشزدگی کے نتیجے میں 18 افراد جل کر خاکستر ہوگئے جب کے پانچ افراد شدید زخمی ہو گئے ہیں۔ ریسکیو اہلکاروں نے ہلاک اور زخمی ہونے والے افراد کو قریبی اسپتال منتقل کیا جہاں زخمیوں کو طبی امداد دی جارہی ہے جب کے فائر بریگیڈ کا عملہ آگ بجھانے کے بعد کولنگ کے عمل میں مصروف ہے۔

A suspected arson fire ripping through a KTV house killed 18 people and injured another five early Tuesday in Qingyuan City, south China's Guangdong Province, local police said https://t.co/lfui1GVeaw pic.twitter.com/FaxV2AA1iz

— Global Times (@globaltimesnews) April 24, 2018

پولیس کا کہنا ہے کہ آگ تین منزلہ عمارت کے گراؤنڈ فلور پر لگی تھی۔ بار میں ریسٹورینٹ کے علاوہ انڈور گیمز بھی تھے جس کے باعث شہریوں کی بڑی تعداد موجود تھی۔ تاحال آگ لگنے کی وجوہات کا تعین نہیں کیا جا سکا ہے البتہ پولیس نے بار سے ایک مشکوک شخص کو گرفتار کیا ہے۔ مقامی انتظامیہ نے واقعے سے متعلق کسی بھی قسم کی معلومات دینے والے شخص کے لیے 31 ہزار 665 ڈالر کے مساوی رقم انعام میں دینے کا اعلان بھی کیا ہے۔