خیبر ایجنسی میں کوئلے کی کان میں دھماکے کے سبب 6 مزدور جاں بحق ہوگئے۔

ایکسپریس نیوز کے مطابق خیبر ایجنسی میں واقع تحصیل باڑہ کے علاقے کلہ خیل میں ایک کوئلے کی کان میں گیس بھرجانے کے سبب دھماکا ہوا ہے جس کے نتیجے میں کان میں موجود 6 مزدور جاں بحق ہوگئے۔

مقامی ذرائع کے مطابق حادثے کے وقت کان میں آٹھ مزدور کام کررہے تھے، دھماکے کے سبب کان بیٹھ گئی جس کے باعث یہ ہلاکتیں ہوئیں اب بقیہ دو مزدوروں کی تلاش کا کام جاری ہے۔