سلمان خان ریس تھری کی شوٹنگ کیلیے کشمیر پہنچ گئے 

فلم ’ریس تھری‘ 15 جون 2018 میں سینما گھروں کی زینت بنے گی۔ فوٹو: فائل

---

HYDERABAD: بالی ووڈ کے سلطان سلمان خان فلم 'ریس تھری' کی شوٹنگ کے لئے کشمیر پہنچ گئے۔

بالی ووڈ کے دبنگ اداکار سلمان خان ان دنوں ایکشن اور تھرل سے بھرپور فلم 'ریس تھری' کی شوٹنگ میں مصروف ہیں جو اپنے آخری مراحل میں داخل ہوچکی ہے جب کہ فلم کو مختلف مقامات پر فلمایا جارہا ہے یہی وجہ ہے کہ فلم کے ایک گیت کے لئے دلکش مناظر عکس بند کرانے کے لئے کشمیر کا انتخاب کیا گیا اور قدرت کے شاہکار کو فلموں کی زینت بنانے کے لئے سلمان خان کشمیر پہنچ گئے ہیں۔



بھارتی میڈیا رپورٹس کے مطابق بالی ووڈ کی تھرل اور ایکشن سے بھرپور فلم سیریز ''ریس'' کے تیسرے سیکوئل کے گیت 'اللہ دہائی ' کے لئے ابتداء میں ابو ظہبی کا انتخاب کیا گیا تاہم اب اس گیت کو عکس بند کرانے کے لئے بالی ووڈ سلطان سلمان خان، جیکولین فرنینڈس اور فلم کی پوری ٹیم کشمیر پہنچ گئی ہے۔



ذرائع کا کہنا ہے کہ فلم کے گیت کی عکس بندی کے لئے کشمیر کے علاقے لداخ ، لیح اور دیگر مقامات پر شوٹنگ کی گئی جب کہ حسین مقام کا فائدہ اُٹھاتے ہوئے سلمان خان نے جیکلین فرننڈس کے ساتھ خود جیپ چلاتے ہوئے کشمیر کی سیر کی اور مقبوضہ کشمیر کی کٹھ پتلی وزیر اعلیٰ محبوبہ مفتی سے بھی ملاقات کی۔

We thank the Chief Minister Madam Mehbooba Mufti for welcoming us in Kashmir for the Final Lap of #Race3 with @BeingSalmanKhan #Race3InKashmir #Race3ThisEid pic.twitter.com/T6pRRzKQIu

— Ramesh Taurani (@RameshTaurani) April 24, 2018

واضح رہے کہ معروف کوریو گرافر اور فلم پروڈیوسر ریمو ڈی سوزا کی ہدایتکاری میں بننے والی فلم'ریس تھری' میں سلمان خان کے ہمراہ جیکلین فرننڈس مرکزی کردار میں نظر آئیں گی جب کہ فلم میں انیل کپور، بوبی دیول بھی دکھائی دیں گے جو 15 جون 2018 میں سینما گھروں کی زینت بنے گی۔