عوام اب خواجہ آصف کے سائے کو بھی ووٹ دیں گے مریم نواز

جس کاووٹ کے میدان میں مقابلہ نہیں کر سکتے اس کو فکسڈ میچ میں نااہل کرا دو، مریم نواز کی ٹوئٹ

ویب ڈیسک April 26, 2018

جس کا ووٹ کے میدان میں مقابلہ نہیں کر سکتے اس کو فکسڈ میچ میں نااہل کرا دو، مریم نواز کی ٹوئٹ- فوٹو: فائل

KARACHI: پاکستان مسلم لیگ(ن) کی رہنما مریم نواز کا کہنا ہے کہ عوام اب خواجہ آصف کے سائے کو بھی ووٹ دیں گے۔

خواجہ آصف کی نااہلی کے فیصلے پر رد عمل کا اظہار کرتے ہوئے پاکستان مسلم لیگ(ن) کی رہنما مریم نواز کا کہنا تھا کہ جس کا ووٹ کے میدان میں مقابلہ نہیں کر سکتے اس کو فکسڈ میچ میں نااہل کرا دو، مگر یاد رکھو عوام اب خواجہ آصف کے سائے کو بھی ووٹ دیں گے۔

جسکا ووٹ کے میدان میں مقابلہ نہیں کر سکتےاسکو فکسڈ میچ میں نا اہل کرا دو مگر یاد رکھو! عوام اب خواجہ آصف کے سائے کو بھی ووٹ دےگی انشاءالّلہ
— Maryam Nawaz Sharif (@MaryamNSharif) April 26, 2018

واضح رہے کہ جسٹس اطہر من اللہ کی سربراہی میں اسلام آباد ہائی کورٹ کے 3 رکنی لارجر بینچ نے فیصلہ سناتے ہوئے وزیر خارجہ خواجہ آصف کو نااہل قرار دے دیا۔ تحریک انصاف کے رہنما عثمان ڈار نے اقامہ چھپانے پر وزیر خارجہ خواجہ آصف کی نااہلی کے لیے اسلام آباد ہائی کورٹ میں درخواست دائر کی تھی۔ عدالت نے فریقین کے دلائل سننے کے بعد 10 اپریل کو فیصلہ محفوظ کیا جو آج سنایا گیا۔