گاڈ فادر کا ایک اور درباری نااہل ہوگیا عمران خان

خواجہ آصف نے شوکت خانم کو نشانہ بنایا لیکن آج وہ خود پاکستان اور پوری دنیا میں سرعام رسوا ہورہے ہیں، عمران خان

ویب ڈیسک April 26, 2018

خواجہ آصف نے شوکت خانم کو نشانہ بنایا لیکن آج وہ خود پاکستان اور پوری دنیا میں سرعام رسوا ہورہے ہیں، عمران خان فوٹو : فائل

چئیرمین تحریک انصاف عمران خان کا کہنا ہے کہ گاڈ فادر کا ایک اور درباری اقامے کی آڑ میں کرپشن اور منی لانڈرنگ چھپاتے ہوئے نااہل ہوگیا۔

سماجی رابطے کی سائٹ ٹوئٹر پر ٹوئٹ میں چئیرمین تحریک انصاف عمران خان کا کہنا تھا کہ گاڈ فادر کے ایک اور درباری کو نااہل قرار دیا گیا، یہ درباری بھی اپنے گاڈ فادر کی طرح اقامے کی آڑ میں کرپشن اور منی لانڈرنگ چھپاتے ہوئے رنگے ہاتھوں پکڑا گیا۔ ان کا کہنا تھا کہ خواجہ آصف نے شوکت خانم کو نشانہ بنایا تاہم آج وہ خود پاکستان اور پوری دنیا میں سرعام رسوا ہورہے ہیں۔

Another darbari of the Godfather disqualified on the same pattern - using iqama to shield corruption & indulge in money laundering - as well as being guilty of brazen conflict of interest. Allah Al Haq hai - Kh Asif targeted SKMTH & has been publicly humiliated here & abroad
— Imran Khan (@ImranKhanPTI) April 26, 2018

سابق وزیرخارجہ خواجہ آصف کی نااہلی کا فیصلہ چئیرمین تحریک انصاف عمران خان، اسدعمر، شیریں مزاری اور نعیم الحق نے اکٹھے بیٹھ کر ٹی وی پر سنا، اس موقع پر عمران خان کا کہنا تھا کہ فیصلے پر خوشی ہوئی۔

عدالتی فیصلے سے قبل عثمان ڈار سے ملاقات کے دوران عمران خان کا کہنا تھا کہ یہ کیس کسی کی ذات کا نہیں، پاکستان کے مستقبل کا تھا، خواجہ آصف نے ووٹ کے تقدس کو پامال کیا۔

اس خبر کو بھی پڑھیں : خواجہ آصف تاحیات نااہل قرار

واضح رہے کہ جسٹس اطہر من اللہ کی سربراہی میں اسلام آباد ہائی کورٹ کے 3 رکنی لارجر بینچ نے فیصلہ سناتے ہوئے وزیر خارجہ خواجہ آصف کو نااہل قرار دے دیا۔ تحریک انصاف کے رہنما عثمان ڈار نے اقامہ چھپانے پر وزیر خارجہ خواجہ آصف کی نااہلی کے لیے اسلام آباد ہائی کورٹ میں درخواست دائر کی تھی۔ عدالت نے فریقین کے دلائل سننے کے بعد 10 اپریل کو فیصلہ محفوظ کیا جو آج سنایا گیا۔