عمران خان کا جلسے میں 10 نکاتی پارٹی پالیسی پیش کرنے کا اعلان

اب عام انتخابات میں تحریک انصاف اور مسلم لیگ (ن) میں مقابلہ ہو گا،چیئرمین تحریک انصاف،فوٹو: فائل

---

چیئرمین پاکستان تحریک انصاف عمران خان نے کہا ہے کہ مینار پاکستان پر جلسے کے دوران پارٹی کی 10 نکات پر مبنی پالیسی کا اعلان کریں گے۔

عمران خان کا صحافیوں سے گفتگو کرتے ہوئے کہنا تھا کہ نواز شریف نیلسن منڈیلا نہیں بلکہ مارکوس ہیں جب کہ شہباز شریف کرپٹ ٹولے کے چیف ہیں۔ پہلے مسلم لیگ (ن)، پیپلز پارٹی، مسلم لیگ (ق) اور دوسری جماعتیں مقابلے میں ہوتی تھیں اب عام انتخابات میں تحریک انصاف اور مسلم لیگ (ن) میں مقابلہ ہوگا، مینار پاکستان کے جلسے میں دس نکات پر مبنی اپنی آئندہ پالیسی کا اعلان کروں گا۔

عمران خان نے بھارتی وزیر اعظم نریندر مودی پر تنقید کرتے ہوئے کہا کہ مودی کا مائنڈ سیٹ ایسا نہیں کہ ان سے مذاکرات ہوں کیوں کہ مودی سے کہا تھا جو بھی ہو مذاکرات کا راستہ بند نہیں ہونا چاہیے۔ انہوں نے کہا کہ خارجہ پالیسی سویلین کے دائرہ اختیار میں ہے تاہم جہاں سیکیورٹی معاملات ہیں وہاں دوسرے اداروں کی مشاورت بھی ضروری ہوتی ہے۔