گولی اور گالی کی سیاست کا خاتمہ کریں گےاورنگزیب فاروقی

متحدہ دینی محاذ ملک سے قومیت، لسانیت اور فرقہ واریت کی نفرتوں کو مٹا کر دم لے گی، اورنگزیب فاروقی. فوٹو: ایکسپریس/فائل

---

متحدہ دینی محاذ کے رہنماؤں علامہ اورنگزیب فاروقی، مفتی عثمان یارخان، مولانا حضرت ولی، شاہ ولی اللہ، مولانا رب نواز حنفی و دیگر نے کہا ہے کہ گولی اور گالی کی سیاست کا ملک سے خاتمہ کریں گے۔

سیاسی جماعتیںعوام کو محرومی کے سوا کچھ نہ دے سکیں، متحدہ دینی محاذ عوام کو محرومی سے نکالے گی، دو قومی نظریے کی بنیاد پر حاصل کیے جانے والے ملک میں نظریہ پاکستان کو دفن کرنے کی سازش کی جارہی ہے، ان خیالات کا اظہار انھوں نے پی ایس 128میںمسلم آباد ،معین آباد اور شیرپاؤ کالونی ایف ٹو کے دورے کے موقع پر کیا۔

انھوں نے کہا کہ متحدہ دینی محاذ ملک سے قومیت، لسانیت اور فرقہ واریت کی نفرتوں کو مٹا کر دم لے گی، انھوں نے کہاکہ11مئی کو عوام سیڑھی کے نشان پر مہر لگا کر بدعنوان اور قومی خزانہ لوٹنے والے سیاستدانوں کو گھر کی راہ دکھائیں گے۔