ہنگو میں جھگڑے پر فائرنگ سے 4 ہلاک جنوبی وزیرستان میں بھی 4 افراد قتل

ٹل سے دہشتگرد گرفتار، اسلحہ برآمد، مہمند میں 55چیک پوسٹیں مقامی انتظامیہ کے حوالے۔ فوٹو: فائل

---

جنوبی وزیرستان میں نامعلوم افرادکی فائرنگ سے 4 افراد جاں بحق ہوگئے۔

گزشتہ رات جنوبی وزیرستان کے علاقہ مومی کڑم میں نامعلوم افراد نے خیمے میں عارضی طور پر رہائش پذیرچارافرادپرفائرنگ کردی جس کے نتیجے میں چاروں جاں بحق ہوگئے۔

دوسری جانب ہنگو میں خاندانی جھگڑے کے باعث 4 افراد کی جان چلی گئی۔ چچا زاد بھائیوں کے مابین فائرنگ میں خاندان کے 2 افرادزخمی بھی ہوئے۔ ہنگو ٹل میں پولیس نے دہشتگرد نور نواز کو گرفتار کرکے اسلحہ اور گولہ بارود برآمد کرلیا۔

ادھر سول اور عسکری قیادت کے حکم پر مہمند ایجنسی میں یکہ غنڈ سے مامدگٹ تک پشاور باجوڑ شاہراہ قائم پچپن فیصد چیک پوسٹوں پر چیکنگ ختم کردی گئی گئی۔اب ان چیک پوسٹوں پر لیویز و خاصہ دار فورس ذمے داریاں ادا کریں گے۔