یوم علیؓ کے جلوس کے قریب فائرنگمشتعل افراد کا احتجاج

فائرنگ کا واقعہ مرکزی جلوس میں چند افراد کے داخلے کی کوشش کے باعث پیش آیا. فوٹو ایکسپریس

---

یوم حضرت علیؓ کے مرکزی جلوس کے قریب فائرنگ سے موقع پر موجود افراد میں بھگدڑ مچ گئی اور خوف و ہراس پھیل گیا۔

واقعے کے بعد نامعلوم مشتعل افراد نے رینجرز اور پولیس پر پتھراؤ کیا اور ان کی گاڑیوں کے شیشے بھی توڑ دیے ، نامعلوم افراد کی فائرنگ کے جواب میں رینجرز کی جانب سے بھی شدید ہوائی فائرنگ کی گئی جس کے باعث پورا علاقہ گولیوں کی تڑتڑاہٹ سے گونج اٹھا اور جلوس میں شریک درجنوں عزادار بھگدڑ کے باعث گرنے سے زخمی ہوگئے۔

فائرنگ کا واقعہ مرکزی جلوس میں داخلے کی کوشش کے باعث پیش آیا تاہم منتظمین نے موقع پر پہنچ کر صورتحال کو کنٹرول کرلیا۔