رنبیر کپور کی فلم’سنجو‘ 29 جون کو سینما گھروں کی زینت بنے گی۔ فوٹو: فائل
بالی ووڈ میں فلم 'سنجو' کے ٹیزر سے تہلکہ مچانے والے اداکار رنبیر کپور ان دنوں خبروں کی زینت بنے ہوئے ہیں جب کہ سنجے دت کی زندگی پر مبنی فلم میں ہر کردار میں سنجے دت کی ہوبہو اداکاری کرنے پر ان کی مقبولیت میں بے پناہ اضافہ ہوا ہے جب کہ 'سنجو' کے کامیاب ترین ٹیزر کے بعد اب فلم کا پہلا پوسٹر بھی جاری کردیا گیا ہے۔
Ranbir as #Sanju! When he came out of Jail in 2016. Watch his complete story on June 29. #RanbirKapoor #RajkumarHiraniFilms @VVCFilms @foxstarhindi pic.twitter.com/qr9JTMEZu0
— Rajkumar Hirani (@RajkumarHirani) April 30, 2018
بالی ووڈ کے نامور ہدایتکار راجکمار ہیرانی نے سماجی رابطے کی ویب سائٹ ٹوئٹر پر اپنی فلم 'سنجو ' کا پہلا پوسٹر جاری کردیا اور ساتھ ہی انہوں نے لکھا کہ رنبیر کپور سنجو کے اُس کردار میں ہیں جب وہ 2016 میں جیل سے باہر آئے تھے جب کہ فلم کی مکمل کہانی 29 جون کو دیکھی جا سکتی ہے۔
یہ خبر بھی پڑھیں: کیا سنجے دت کے بعد رنبیر کپورکی زندگی پر بھی فلم بنے گی ؟
واضح رہے کہ رنبیر کپور ان دنوں کرن جوہر کی فلم 'براہمسترا' کی شوٹنگ میں مصروف ہیں جس میں ان کے مدمقابل عالیہ بھٹ مرکزی کردار ادا کریں گی جب کہ سنجے دت کی زندگی پر بننے والی فلم 29 جون کو سنیما گھروں کی زینت بنے گی جس میں رنبیر کے ہمراہ منیشا کوئرالہ، سونم کپور،انوشکا شرما اور دیا مرزا مرکزی کردار میں نظر آئیں گی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔