انوشکا کی سالگرہ کے موقع پرکوہلی کی خوبصورت اندازمیں مبارکباد

میں اپنی زندگی میں جن لوگوں کو جانتا ہوں انوشکا ان میں سب سے زیادہ ایماندار اور مثبت شخصیت کی حامل ہیں، ویرات کوہلی فوٹو:فائل

---

نامور بالی ووڈ اداکارہ انوشکا شرما آج اپنی 30 ویں سالگرہ منارہی ہیں اس موقع پر ویرات کوہلی نے اپنی اہلیہ کو خوبصورت انداز میں سالگرہ کی مبارکباد دی ہے۔

بالی ووڈ کی خوبرو اداکارہ انوشکا شرما آج پورے 30 برس کی ہوگئیں ، خوشی کے اس موقع پر ان کے شوہر کپتان ویرات کوہلی نے سوشل میڈیا پر انوشکا کو مبارکباد دیتے ہوئے نہایت جذباتی پیغام شیئر کرایا ہے۔ ویرات کوہلی نے انوشکا کے ساتھ اپنی تصویر شیئر کی جس میں وہ انوشکا کو کیک کھلا رہے ہیں ساتھ ہی انہوں نے انوشکا کو سالگرہ کی مبارکباد دیتے ہوئے کہا ''میں اپنی زندگی میں جن لوگوں کو جانتا ہوں انوشکا ان میں سب سے زیادہ ایماندار اور مثبت شخصیت کی حامل ہیں ۔''

Happy B'day my love. The most positive and honest person I know. Love you ♥️ pic.twitter.com/WTepj5e4pe

— Virat Kohli (@imVkohli) May 1, 2018

انوشکا شرما نے بھی انسٹا گرام پر اپنی تیسویں سالگرہ کے موقع پر ایک خوبصورت پیغام جاری کرتے ہوئے لکھا ہم سب بہت خوش قسمت ہیں کہ انسان کے طور پر پیدا ہوئے ہیں، ہم اپنی آواز اٹھاسکتے ہیں، ہمارے حقوق ہیں اور ہم انصاف کا دروازہ کھٹکھٹا سکتے ہیں اس کے علاوہ اپنے قریبی لوگوں کا خیال رکھ سکتے ہیں لیکن جانوروں کے متعلق سوچئیے۔

انوشکا نے بے زبان جانوروں کیلئے اپنا درد بیان کرتے ہوئے لکھا جانوروں کے حقوق کے بارے میں سوچئیے، ہم ان سے کس طرح پیش آتے ہیں اب وقت آگیا ہے کہ ہم انسانوں کو جانوروں کیلئے کھڑا ہونا پڑے گا،یہ ہماری ذمہ داری ہیں۔

انوشکا نے جانوروں کیلئے ممبئی سے باہر شیلٹر ہوم بنانے کا اعلان کرتے ہوئے کہا کہ یہ گھر بے گھر جانوروں کیلئے ہوگا جہاں ان کی دیکھ بھال کی جائے گی، ان سے محبت کی جائے گی اوران کا تحفظ کیاجائےگا۔ اس کے ساتھ ہی انوشکا نےکہا یہ ان کا برسوں پرانا خواب ہے جو اب سچ ہورہا ہے، مجھے اس میں آپ لوگوں کی بھرپور سپورٹ اور مشوروں کی ضرورت ہے کہ میں اس شیلٹرہوم کو جانوروں کیلئے مزید کس طرح بہتر بناسکتی ہوں۔

[instagram-post url="https://www.instagram.com/p/BiOTnXWgAMC/"]