ISLAMABAD: شمالی اور جنوبی کوریا نے مشترکہ سرحد پر ایک دوسرے کے خلاف پروپیگنڈا کرنے کے لیے نصب لاؤڈ اسپیکرز ہٹانا شروع کر دیے ہیں۔

سیئول میں وزارت دفاع نے بتایا کہ دونوں کوریاؤں کے مابین سفارتی سطح پر قربت کے بعد ان اسپیکرز کو ہٹانے کا فیصلہ کیا گیا ہے۔

اس طرح شمالی کوریائی رہنما کم جونگ اْن اور جنوبی کوریائی صدر مون جے اِن کے ملاقات میں طے پانے والے سمجھوتوں پر عمل درآمد شروع ہو گیا ہے۔ گزشتہ ہفتے ہونے والی اس ملاقات میں یکم مئی سے ایک دوسرے کے خلاف تمام تر پروپیگنڈا روکنے پر اتفاق رائے ہوا تھا۔