ملک میں کسی جگہ جبری لوڈشیڈنگ نہیں کی جارہی توانائی ڈویژن کا دعویٰ

بجلی کی طلب 18 ہزار 432 میگاواٹ، پیداوار15 ہزار 400 میگاواٹ ہے،توانائی ڈویژن کا دعویٰ: فوٹو: فائل

---

ترجمان توانائی ڈویژن کا کہنا ہے کہ ملک کے کسی بھی حصے میں فورس لوڈشیڈنگ نہیں کی جارہی ہے جب کہ بجلی کا شارٹ فال 3032 میگاواٹ تک پہنچ گیا ہے۔

ترجمان توانائی ڈویژن نے دعوی کرتے ہوئے کہا ہے کہ ملک میں بجلی کی پیداوار، طلب و رسد کی صورتحال کے مطابق ملک میں کسی بھی جگہ جبری لوڈشیڈنگ نہیں کی جارہی ہے، 10 فیصد خسارے والے 61 فیصد فیڈرزپرلوڈشیڈنگ صفرہے۔

ترجمان توانائی ڈویژن کا کہنا تھا کہ بجلی کی طلب 18 ہزار432 میگاواٹ، پیداوار15 ہزار400 میگاواٹ ہے، جس کے بعد بجلی کا شارٹ فال 3 ہزار32 میگاواٹ تک پہنچ گیا ہے جب کہ یہ شارٹ فال پاورپلانٹس کی ٹیسٹنگ اورٹرپنگ کے باعث ہے۔ چشمہ تھری پاورپلانٹ بھی قومی گرڈ سے منسلک کردیا گیا ہے۔