ہیلری کلنٹن کا آفریدی کی سماجی خدمات پر نیک خواہشات کا اظہار

شاہد آفریدی نے ہیلری کلنٹن کا شکریہ ادا کیا۔ فوٹو: فائل

---

سابق امریکی وزیرخارجہ ہیلری کلنٹن نے شاہد آفریدی کی سماجی خدمات پر نیک خواہشات کا اظہار کیا ہے۔

قومی ٹیم کے سابق آل راؤنڈر شاہد آفریدی انٹرنیشنل کرکٹ سے ریٹائرمنٹ کے بعد سماجی خدمات میں مصروف ہیں اور اس سلسلے میں وہ '' شاہد آفریدی فاؤنڈیشن '' کے ذریعے پاکستان بھر میں تعلیم، صحت اور کرکٹ کے فروغ کے لیے کام کررہے ہیں۔

https://twitter.com/SAfridiOfficial/status/991339296987799553

شاہد آفریدی نے سماجی رابطے کی ویب سائٹ ٹوئٹر پر سابق امریکی وزیر خارجہ ہلیری کلنٹن کا ایک ویڈیو پیغام شیئر کیا جس میں انہوں نے بوم بوم آفریدی کی سماجی خدمات کا اعتراف کرتے ہوئے ان کے لیے نیک خواہشات کا اظہار کیا۔ شاہد آفریدی نے اپنی پوسٹ میں ہیلری کلنٹن کا شکریہ ادا کیا۔

واضح رہے سابق کپتان 'شاہد آفریدی فاؤنڈیشن' کے تحت کوہاٹ میں ایک اسپتال بھی بنارہے ہیں اور حال ہی میں انہوں نے تھرپارکر میں بھی ایک اسپتال بنانے کا اعلان کیا تھا۔