شاہ محمود قریشی نے عمران خان کی آمد پر ’’لبیک اللھم لبیک‘‘ کہنے پر معافی مانگ لی
جلسے کے دوران یہ الفاظ غیر ارادی طورپر ادا ہوئے، شاہ محمود قریشی
جلسے کے دوران یہ الفاظ غیر ارادی طورپر ادا ہوئے، شاہ محمود قریشی۔ فوٹو: فائل
پاکستان تحریک انصاف کے وائس چیئرمین و سینئر رہنماء شاہ محمود قریشی نے لاہور جلسے میں چیئرمین عمران خان کی آمد پر ''لیبک اللھم لبیک'' کہنے پر معافی مانگ لی۔
گزشتہ روز مرکزی میڈیا سیل کی جانب سے جاری کردہ بیان میں شاہ محمود قریشی نے باقاعدہ معافی نامہ جاری کرتے ہوئے بیان حلفی دیاہے اور کہاہے کہ وہ بطور مسلمان ان الفاظ کی ادائیگی کسی شخص کے لیے سوچ بھی نہیں سکتے، جلسے کے دوران یہ الفاظ غیر ارادی طورپر ادا ہوئے تاہم علمائے کرام کی جانب سے توجہ مبذول کرانے پر وہ اس پر معافی مانگتے ہیں اور اپنے الفاظ سے رجوع کرتے ہوئے اللہ پاک سے معافی کے طلبگار ہیں۔
شاہ محمود قریشی کا کہنا تھاکہ معاملے کی سنگینی کا احساس دلانے اور غلطی کی نشاندہی کرنے پر وہ علمائے کرام کے شکرگزار ہیں۔
گزشتہ روز مرکزی میڈیا سیل کی جانب سے جاری کردہ بیان میں شاہ محمود قریشی نے باقاعدہ معافی نامہ جاری کرتے ہوئے بیان حلفی دیاہے اور کہاہے کہ وہ بطور مسلمان ان الفاظ کی ادائیگی کسی شخص کے لیے سوچ بھی نہیں سکتے، جلسے کے دوران یہ الفاظ غیر ارادی طورپر ادا ہوئے تاہم علمائے کرام کی جانب سے توجہ مبذول کرانے پر وہ اس پر معافی مانگتے ہیں اور اپنے الفاظ سے رجوع کرتے ہوئے اللہ پاک سے معافی کے طلبگار ہیں۔
شاہ محمود قریشی کا کہنا تھاکہ معاملے کی سنگینی کا احساس دلانے اور غلطی کی نشاندہی کرنے پر وہ علمائے کرام کے شکرگزار ہیں۔