بھارت میں مسجد کے اندر مورتی رکھ کر کشیدگی پھیلانے کی کوشش ناکام
مجلس بچاؤتحریک کاملزمان کیخلاف سخت کارروائی کامطالبہ، ایف آئی آر درج
مجلس بچاؤتحریک کاملزمان کیخلاف سخت کارروائی کامطالبہ، ایف آئی آردرج۔ فوٹو: سوشل میڈیا
بھارت میں ایک مسجد کے اندر مورتی رکھ کرفرقہ وارانہ کشید گی پھیلانے کی کوشش ناکام بنا دی گئی۔
بھارتی میڈیا کے مطابق بھارت میں گولکنڈا قلعہ کے قریب واقع تقریباً 400 سال پرانی مسجد میں شرپسندوں کی جانب سے مورتی رکھ کرفرقہ وارانہ کشیدگی پھیلانے کی کوشش کی گئی۔ واقعہ کی اطلاع ملتے ہی پولیس کے اعلی عہدیداروں نے موقع پر پہنچ کر صورت حال کنٹرول میں کرلی اور مسجد سے مورتی ہٹوا دی جب کہ مجلس بچاؤ تحریک نے ملزمان کے خلاف سخت تادیبی کارروائی کا مطالبہ کیا ہے۔
ذرائع کے مطابق مقامی نوجوان نے مسجد میں مورتی رکھے جانے کی اطلاع دی تھی۔ کاروان حلقہ کے رکن اسمبلی کوثر محی الدین کو بھی اس حوالہ سے مطلع کیا گیا تاکہ حالات قابومیں رکھے جاسکیں۔ پولیس دستے علاقے میں تعینات کردیئے گئے جب کہ 5شرپسندوں بیر سنگھ ،یوگیندر سنگھ، کرپال سنگھ، نوین سنگھ اور مایابائی کیخلاف ایف آئی آر درج کی گئی۔
پولیس کا کہنا ہے کہ پانچوں ملزمان وقف بورڈ کی مسجد میں داخل ہوئے اور وہاں مورتی رکھ کر ہندوواہ رسمیں ادا کیں۔
بھارتی میڈیا کے مطابق بھارت میں گولکنڈا قلعہ کے قریب واقع تقریباً 400 سال پرانی مسجد میں شرپسندوں کی جانب سے مورتی رکھ کرفرقہ وارانہ کشیدگی پھیلانے کی کوشش کی گئی۔ واقعہ کی اطلاع ملتے ہی پولیس کے اعلی عہدیداروں نے موقع پر پہنچ کر صورت حال کنٹرول میں کرلی اور مسجد سے مورتی ہٹوا دی جب کہ مجلس بچاؤ تحریک نے ملزمان کے خلاف سخت تادیبی کارروائی کا مطالبہ کیا ہے۔
ذرائع کے مطابق مقامی نوجوان نے مسجد میں مورتی رکھے جانے کی اطلاع دی تھی۔ کاروان حلقہ کے رکن اسمبلی کوثر محی الدین کو بھی اس حوالہ سے مطلع کیا گیا تاکہ حالات قابومیں رکھے جاسکیں۔ پولیس دستے علاقے میں تعینات کردیئے گئے جب کہ 5شرپسندوں بیر سنگھ ،یوگیندر سنگھ، کرپال سنگھ، نوین سنگھ اور مایابائی کیخلاف ایف آئی آر درج کی گئی۔
پولیس کا کہنا ہے کہ پانچوں ملزمان وقف بورڈ کی مسجد میں داخل ہوئے اور وہاں مورتی رکھ کر ہندوواہ رسمیں ادا کیں۔