امیتابھ بچن نے ٹوئٹر انتظامیہ کے سامنے ہاتھ جوڑ لیے

امیتابھ بچن نے ٹوئٹر انتظامیہ کے سامنے ہاتھ جوڑ کر التجا کی ہے کہ مہربانی کرکے اب تو ان کے فالورز بڑھادئیے جائیں

ویب ڈیسک May 05, 2018

امیتابھ بچن نے ٹوئٹر انتظامیہ کے سامنے ہاتھ جوڑ کر التجا کی ہے کہ مہربانی کرکےان کے نمبرز بڑھادئیے جائیں فوٹو:فائل

PARIS: بالی ووڈ کے شہنشاہ امیتابھ بچن نے ٹوئٹر انتظامیہ کے سامنے ہاتھ جوڑ کر التجا کی ہے کہ مہربانی کرکے اب تو ان کے فالورز بڑھادئیے جائیں۔

بالی ووڈ کے شہنشاہ امیتابھ بچن نے حال ہی میں ایک ٹوئٹ کی ہے جس میں انہوں نے ٹوئٹر انتظامیہ سے ہاتھ جوڑتے ہوئے التجا کی ہے''ارے یار ٹوئٹر جی، یار اب تو ہمارے نمبرز بڑھادو، کب سے اتنا کچھ ڈال رہے ہیں، کچھ اور کرنا ہو نمبر بڑھانے کیلئےتو بولو'' اس پیغام کے ساتھ امیتابھ نے اپنی ایک تصویر بھی شیئر کرائی جس میں وہ ہاتھ جوڑے اور سر جھکائے کھڑے ہیں۔

T 2795 - Arre yaar Twitter ji .. yaar ab toh hamare numbers badha do .. kab se itna kuch dal rahe hain .. kuch aur karna ho, number badhane ke liye to bolo🙏🙏🙏🙏🙏🙏🙏 .. TJKBM !!! pic.twitter.com/V5L4AMJNGq
— Amitabh Bachchan (@SrBachchan) May 4, 2018

اس خبرکوبھی پڑھیں: امیتابھ بچن کا ٹوئٹر کو خیرباد کہنے کا فیصلہ

یقیناً امیتابھ بچن کے مداح یہ سوچ کر حیران پریشان ہوں گے کہ بالی ووڈ پر حکمرانی کرنے والے فلم انڈسٹری کے شہنشاہ امیتابھ بچن کے ساتھ ایسا کیا ہوگیا کہ انہیں ٹوئٹر انتظامیہ کے سامنے ہاتھ جوڑنے پڑگئے تو اس کا آغاز آج سے 2 ماہ قبل ہوا تھا جب ٹوئٹر انتظامیہ نے بگ بی کےاچانک 60 ہزارفالورز کم کردئیے تھےجس کے بعد ان کے فالورز کی تعداد گھٹ کر 3 کروڑ 29 لاکھ ہوگئی تھی، تاہم امیتابھ بچن کو ٹوئٹر انتظامیہ کا یہ اقدام بالکل پسند نہیں آیاتھا اور انہوں نے ٹوئٹر انتظامیہ پر تنقید کرتے ہوئے کہا تھا''آپ لوگوں نے میرے چاہنے والوں کی تعدادکم کی؟یہ کیسا مذاق ہے، خیر ٹوئٹر پر سفر اچھا رہا مگر اب وقت آگیا ہے خدا حافظ کہنے کا۔''

T 2599 - TWITTER ..!!!?? you reduced my number of followers .. !!??HAHAHAHAHAHAHA .. !! thats a joke .. time to get off from you .. thank you for the ride .. 😠😠😠 .. there are many 'other' fish in the sea - and a lot more exciting !! pic.twitter.com/85c15pDif4
— Amitabh Bachchan (@SrBachchan) January 31, 2018

تقریباً دو ماہ گزرنے کے بعد امیتابھ بچن کے ٹوئٹر فالورز کی تعداد میں ایک بار پھر اضافہ ہوگیا ہے اور اب ان کے فالورز کی تعداد 3کروڑ 43 لاکھ کے قریب ہوگئی ہے لیکن امیتابھ بچن نے ایک بار پھر ٹوئٹر انتظامیہ کے سامنے اپنے فالورز کی تعداد بڑھانے کی التجا کی ہے۔

واضح رہے کہ امیتابھ بچن کے ٹوئٹر فالورز کی تعداد کم ہونے کے بعد اداکار شاہ رخ خان کے مداحوں کی تعداد ان سے زیادہ ہوگئی تھی اور اب بھی شاہ رخ خان 3کروڑ52 لاکھ فالورز کے ساتھ امیتابھ بچن سے آگے ہیں۔