آئی پی ایل میں ہیٹ ٹرکس کا موسم مشرا کی 4 وکٹیں

آئی پی ایل : سن رائزرز کے امیت مشرا حریف پلیئر اشوک ڈینڈا کو بولڈ کرنے کے بعد ہیٹ ٹرک کی تکمیل پر خوشی سے سرشار، انھوں نے 4 وکٹیں لے کر ٹیم کو پونے واریئرز کیخلاف فتح دلائی۔ فوٹو: بی سی سی آئی

---

آئی پی ایل میں ہیٹ ٹرکس کا موسم آ گیا، دو روز میں دوسرے بولر نے یہ کارنامہ انجام دے دیا۔

امیت مشرا نے پونے واریئرز کیخلاف4وکٹیں لے کر سن رائزرز حیدرآباد کو11 رنز سے فتح دلائی،فاتح ٹیم 8 وکٹ پر119 رنز تک محدود رہی، سمنترے37 اور امیت مشرا30 رنز کے ساتھ نمایاں رہے، بھونیشور کمار نے تین وکٹوں کیلیے صرف 18 رنز دیے، جواب میں پونے واریئرز کی ٹیم 19 اوورز میں 108 رنز پر ہمت ہار گئی،اوپنر رابن اتھاپا 22 رنز کیساتھ ٹاپ اسکورر رہے، امیت مشرا نے بھونیشور، راہول شرما اور اشوک ڈینڈا کو مسلسل گیندوں پر آئوٹ کر کے ہیٹ ٹرک کی۔



انھوں نے19 رنز دیکر 4 کھلاڑیوں کو میدان بدر کیا، پریرانے 3 وکٹیں لیں۔ دن کے دوسرے میچ میں راجستھان رائلز نے ممبئی انڈینز کو87 رنز سے مات دی، 180 کے ہدف کا پیچھا کرتے ہوئے ممبئی کی ٹیم18.2 اوورز میں 92 رنز پر ڈھیر ہو گئی، مرلی کارتھک 30 اورامناتتی رائیدو 27 رنز کیساتھ نمایاں رہے، فوکنر نے 3 پلیئرز کو میدان بدر کیا، قبل ازیں راجستھان رائلز نے 3 وکٹ پر 179 رنز اسکور کیے، شین واٹسن (31) اور راہنے (68) رنز کے ساتھ نمایاں رہے۔