خیبرپختونخوا کے گنجان علاقوں میں انتخابی جلسوں پر پابندی پولنگ اسٹیشن فوج کے حوالے کرنے کا اعلان

صوبہ بھر میں تمام پولنگ اسٹیشنوں کو10 سے 12 مئی تک پاک فوج کی کوئیک رسپانس فورس کے حوالے کیا جائے گا فوٹو ایکسپریس نیوز

---

خیبرپختونخوا کی نگران حکومت نے آل پارٹیز کانفرنس میں سیاسی جماعتوں سے مشاورت کے ذریعے صوبہ بھر میں تمام پولنگ اسٹیشنوں کو10 سے 12 مئی تک پاک فوج کی کوئیک رسپانس فورس کے حوالے کرنیکااعلان کرتے ہوئے گنجان آباداوربند علاقوں میںسیاسی جماعتوں کے جلسوںاورکارنرمیٹنگزکے انعقاد پر پابندی عائد کردی ہے۔

جبکہ تمام امیدواروں کو صوبے بھرمیں5 ،پانچ ایف سی اہلکار بطورسکیورٹی گارڈز فراہم کیے جائیں گے جن کے اخراجات صوبائی حکومت ادا کریگی،انتخابات کے موقع پرفول پروف سیکیورٹی انتظامات کرنے کے حوالے سے بھی منصوبہ بندی کرلی گئی ہے،آل پارٹیزکانفرنس کے بعد میڈیاکوبریفنگ دیتے صوبائی وزیراطلاعات مسرت قدیم نے کہا کہ آل پارٹیزکانفرنس جس میں تمام سیاسی پارٹیوں نے شرکت کی میں ان کی مشاورت سے فیصلہ کیاگیاکہ کوئی بھی پارٹی کسی گنجان آبادی یا ایسے علاقے میں جوبندہو میں کوئی جلسہ یا کارنر میٹنگ نہیں کرے گی،وہ تمام تقریبات اورپروگرام چاردیواری کے اندرکریں گے۔



ہرسیاسی پارٹی اپنے کسی بھی پروگرام کے حوالے سے مقامی پولیس کو 48 گھنٹے پہلے مطلع کریں گی جبکہ ہرپارٹی اپنے کسی بھی پروگرام کی سیکیورٹی کیلیے پولیس کے ہمراہ اپنی پارٹی کے ورکروں کوبھی تعینات کریگی تاکہ وہ صرف انہی افرادکوپروگرام میںشرکت کیلیے جانے دیںجن کووہ پہچانتے ہوں اور کوئی بھی باہر کابندہ اندرنہ جاسکے۔ انھوںنے کہاکہ اے پی سی میں کسی بھی سیاسی پارٹی نے کوئی منفی بات نہیں کی ۔