سعودی عرب نے بھارتی الائچی وسرمے پر پابندی لگا دی

سعودی محکمہ ایف ڈی اے نے بھارت کی معروف چھوٹی الائچی اور اثمد سرمہ پر پابندی لگا دی۔

سعودی اخبار کے مطابق محکمہ ایف ڈی اے نے بھارتی الائچی اور اثمد سرمہ پر پابندی عائد کرتے ہوئے کہا ہے کہ اگر کسی کے پاس مذکورہ الائچی ذخیرہ ہے تو وہ اسے استعمال کرنے کے بجائے فوری تلف کردے۔


سعودی ایف ڈی اے نے اصفہانی اثمد سرمے پر بھی پابندی عائد کردی کیونکہ معائنے سے پتا چلا ہے کہ اس میں سیسے کی مقدار زیادہ پائی جاتی ہے۔ صارفین سے کہا گیا ہے کہ پہلی فرصت میں اس سرمے سے نجات حاصل کرلیں۔

واضح رہے کہ مذکورہ اشیا سعودی عرب کے الجمیل نامی بازار میں فروخت ہوتی ہیں۔