صدر آصف زرداری سیاست کی یونی ورسٹی ہیں منظور وسان

سندھ کے سابق وزیر داخلہ منظور احمد وسان کہتے ہیں کہ صدرآصف زرداری سیاست کی یونی ورسٹی ہیں۔

خیر پور میں انتخابی جلسے سے خطاب کرتے ہوئے منظور وسان نے کہا کہ پیپلز پارٹی شہیدوں کی جماعت ہے، اس کی قیادت اور کارکنوں نے ملک کی بقا اور جمہوریت کےلئے کبھی قربانیوں سے دریغ نہیں کیا اور آئندہ بھی پیچھے نہیں ہٹے گی۔ انہوں نے کہا کہ کل تک جو جماعتیں پیپلز پارٹی کی اتحادی تھیں آج وہی ہمارے خلاف میدان میں اتر آئی ہیں لیکن مخالفین جتنی کوشش کرلیں پیپلز پارٹی کا کچھ نہیں بگاڑ سکتے،ملک میں جمہوریت کا جو پودا آج تناور درخت بن رہا ہے اس کا سہرا صدر آصف زرداری کو جاتا ہے۔