بلاول بھٹو زرداری حکیم سعید گراؤنڈ میں جلسے سے دستبردار

پارٹی عہدیداروں کو کہتا ہوں کہ جلسے کے لئے کوئی اور مقام تلاش کریں،بلاول بھٹو زرداری۔ فوٹو: فائل

---

چیئرمین پیپلز پارٹی بلاول بھٹو زرداری نے 12 مئی کو حکیم سعید گراؤنڈ میں جلسے سے دستبرداری کا اعلان کرتے ہوئے تحریک انصاف کو جلسے کی دعوت دے دی۔

گزشتہ روز کراچی کے حکیم سعید گراؤنڈ میں جلسے کے لئے پیپلز پارٹی اور تحریک انصاف کے درمیان کشیدگی پر بلاول بھٹو زرداری بھی بول اٹھے۔ بلاول بھٹو زرداری نے اپنی ٹوئٹ میں عمران خان کو حکیم سعید گراؤنڈ میں جلسہ کرنے کی پیشکش کرتے ہوئے کہا کہ پارٹی سے کہتا ہوں کہ جلسے کےلئے کوئی دوسری جگہ تلاش کریں اور عمران خان کو پیشکش کرتا ہوں کہ آکر حکیم سعید گراؤنڈ میں جلسہ کریں۔

Fact 8: PTI has shown such an appalling attitude. However in the interest of peace in Karachi, which we have fought so hard for, I not only ask my Party to find another location, but also invite @ImranKhanPTI to hold his jalsa at Hakeem Saeed ground

— BilawalBhuttoZardari (@BBhuttoZardari) May 8, 2018

بلاول بھٹو زرداری نے کہا کہ تحریک انصاف کا رویہ ہولناک رہا لیکن اس کے باوجود شہر کے امن کے لئے یہ پیشکش کر رہا ہوں کیوں کہ کراچی میں ہم نے بڑی مشکل سے امن قائم کیا ہے جو خراب ہونے نہیں دیں گے۔ انہوں نے کہا کہ 12 مئی 2007 کو پیپلز پارٹی کے 14 بے گناہ کارکن عدلیہ کی بحالی کیلئے شہید ہوئے، اپنے شہدا کو خراج تحسین پیش کرنے کے لئے حکیم سعید گراؤنڈ میں جلسے کا فیصلہ کیا تھا کیوں کہ شہید کارکنوں میں زیادہ تر کا تعلق کراچی کے ضلع شرقی سے تھا۔

Fact 2: To pay tribute to our martyrs PPP planned to hold a jalsa at Hakeem Saeed ground in district East, as most lives were lost in District East. We applied for and received all necessary legal permissions.

— BilawalBhuttoZardari (@BBhuttoZardari) May 8, 2018

بلاول بھٹو زرداری نے اپنی ٹوئٹ میں حکم دیتے ہوئے کہا کہ پارٹی عہدیداروں کو کہتا ہوں کہ جلسے کے لئے کوئی اور مقام تلاش کریں اور عمران خان کی پارٹی کو حکیم سعید گراؤنڈ میں جلسہ کی دعوت بھی دیں کیوں کہ کراچی ہمارا شہر ہے ہم کہیں بھی جلسہ کرسکتے ہیں۔