دنیا کے 10 امیر ترین ممالک میں چین پہلے نمبرپرآگیا۔

رواں سال اپریل تک کے اعداد و شمارکے مطابق قوت خرید میں مساوات کے اعتبار سے جی ڈی پی کو پیش نظر رکھتے ہوئے 25.24 ٹریلین امریکی ڈالر کے ساتھ چین پہلے نمبرپرہے۔

2017کے مقابلے میں چین کی اقتصادی شرح ترقی 9 فیصد رہی۔ اس معیار کے پیش نظر امریکا 20.4 ٹریلین ڈالر کے ساتھ دوسرے نمبر پر جبکہ 10.4 ٹریلین ڈالر کیساتھ بھارت تیسرے نمبر پر رہا۔ عالمی مالیاتی فنڈ کے مطابق باقی ممالک میں جاپان چوتھے، جرمنی پانچویں، روس چھٹے، انڈونیشیا ساتویں، برازیل آٹھویں، برطانیہ نویں، فرانس دسویں نمبرپرہے جبکہ آئی ایم ایف کی فہرست کے مطابق پاکستان 25 ویں نمبر پر رہا۔