ٹیکسٹ بم نئے وائرس میسج نے واٹس ایپ کو ہلا کر رکھ دیا

نئے وائرس میسج نے دنیا کی مقبول ترین پیغام رسانی ایپلی کیشن واٹس ایپ کو ہلا کر رکھ دیا ہے اوراسے کلک کرنے کی صورت میں واٹس ایپ کریش کر جاتا ہے جس نے دنیابھر میں صارفین کو شدید مشکلات شکار کر دیا ہے اسے میڈیاپرٹیکسٹ بم کا نام دیاگیاہے۔


ذرائع ابلاغ کی رپورٹ کے مطابق واٹس ایپ میں ایک ایس ایم ایس کے ذریعے ایک نیا بگ پھیلایا جارہا ہے جس پر کلک کرنے سے اینڈرائیڈ یا آئی فون واٹس ایپ صارفین کا موبائل کریش کر جاتا ہے اور بعض اوقات موبائل کا پورے کا پورا آپریٹنگ سسٹم کریش ہو جاتا ہے۔ اس میسج کو ٹیکسٹ بم کے نام سے فاورڈ میسج کی شکل میں پھیلایا جا رہا ہے۔

حیرت انگیز بات یہ ہے کہ اس پیغام میں بھی صارفین کو خبردار کیا گیا ہے کہ میسج پرکلک کیا تو واٹس ایپ ہینگ ہو سکتا ہے۔ ہینگ ہونے کی صورت میں موبائل کوری سٹارٹ کر کے ہی نارمل حالت میں لایا جا سکتا ہے۔ واٹس ایپ نے اس حوالے سے ابھی تک کوئی بیان جاری نہیں کیا۔