جلوس میںتعینات پولیس اہلکاروںنے سہ پہرکوہی ’’افطار‘‘کرلی

یوم شہادت علیؓ کے موقع پرحفاظتی ڈیوٹی چھوڑکر بیشتراہلکار بھیجے گئے کھانے پرٹوٹ پڑے فائل فوٹو

---

یوم شہادت حضرت علی کرم اللہ وجہہ کے موقع پر حیدرآباد میں نکالے جانے والے مرکزی ماتمی جلوس کے دوران سہہ پہرکے اوقات میں پولیس اہلکارکھانا ملنے پر حفاظتی ڈیوٹی چھوڑکرکھانے میں مگن ہوگئے۔

مرکزی ماتمی جلوس امام بارگاہ دادن شاہ سے نکالا گیا جس کی حفاظت کیلیے ایک ہزار سے زائد پولیس اہلکار تعینات کیے گئے تھے،تاہم پولیس ہیڈکوارٹرکی موبائل میں سہہ پہر کے اوقات میں ڈیوٹی پر تعینات اہلکاروںکی افطاری کیلیے بریانی،جوس اور پانی کی بوتلیں لائی گئیں تو درجنوں پولیس اہلکارجلوس کی حفاظت کی ذمے داری اور احترام رمضان کی پرواہ کیے بغیرکھاناکھانے میں مصروف ہوگئے،

چند پولیس اہلکاروں نے پیٹ بھرجانے پر بریانی اور جوس وغیرہ تھیلی میں بھرلیا تاکہ گھر لے جاسکیں،اس ساری صورتحال میں بعض اہلکار ایسے بھی تھے جنھوں نے اپنے حصے کا کھانا لیکرتھیلیوں میں رکھ لیا لیکن احترام رمضان کے باعث کھایا نہیں۔