خسرے نے ایک اوربچے کی جان لے لی، شہرمیں ہلاکتوں کی تعداد 29 جبکہ صوبے بھرمیں 48 ہوگئی۔

کوٹ پنڈی داس، شیخوپورہ کا رہائشی 2 سال کا عمرمیواسپتال میں زیرعلاج تھا جوعلی الصبح انتقال کرگیا ، محکمہ صحت کے حکام کے مطابق لاہورکے سرکاری اسپتالوں میں گذشتہ 24 گھنٹے میں خسرے کے 60 نئے مریض لائے گئے ہیں یوں مریضوں کی کل تعداد 68 ہوگئی ہے۔

میواسپتال میں 20 اور چلڈرن اسپتال میں 28 نئے مریض لائے گئے جن میں سے بیشترکو علاج معالجے کے بعد گھر واپس بھجوا دیا گیا۔