گیتوں پر پرفارم کرنے کا سلسلہ بھی جاری رکھوں گی کترینہ

ہریتک کے ساتھ پھر جلوہ گر ہونے کیلیے تیار، پہلے بھی اکٹھے کام کر چکے ہیں، کترینہ کیف فوٹو: فائل

---

CAIRO: بالی وڈ اداکارہ کترینہ کیف نے کہا ہے کہ آنیوالی فلموں میں اچھوتے کردار ہیں اور شائقین کے لیے گیتوں پر پرفارم کرنے کا سلسلہ بھی جاری رکھوں گی۔

انھوں نے کہا کہ تمام بڑے اسٹارز کے ساتھ کام کرنے میں مجھے کوئی مسئلہ نہیں ۔اپنے کام کو عمدہ انداز میں کرنا چاہتی ہوں جس کے لیے خوب محنت کررہی ہوں۔ واضح رہے کہ اداکارہ نئی فلم بینگ بینگ میں ہریتک روشن کی ہیروئن بنیں گی۔ فلم کی شوٹنگ یکم مئی سے شروع ہو رہی ہے۔



ایکشن فلم بینگ بینگ میں ہدایتکار سدھارت آنند نے کترینہ کیف اور ہریتک روشن کو کاسٹ کیا ہے۔ فلم کی شوٹنگ کشمیر اور یورپی ممالک میں کی جائے گی۔ اداکارہ کترینہ فلم میں ایکشن سین کرتی نظر آئیں گی جس کے لیے انھوں نے ٹریننگ بھی لی ہے۔ ہریتک اور کترینہ اس سے پہلے 2011ء میں''زندگی نہ ملے گی دوبارہ''میں ایک ساتھ کام کر چکے ہیں۔