ٹنڈوالہ یارکی 3نشستوں پر 109 امیدوار پارٹی ٹکٹ جمع

ایم کیو ایم کے ساجد وہاب خانزادہ نے قومی اسمبلی جبکہ حق نواز قائمخانی صوبائی اسمبلی کی نشست کیلیے ٹکٹ جمع کرائے۔

---

KARACHI: ٹنڈوالہٰیار ضلع میں الیکشن 2013 کیلیے مختلف جماعتوں کی جانب سے 109 کاغذات نامزدگی فارم منظور کیے گئے۔

این اے 223 ، پی ایس 51، پی ایس 52 پر مختلف جماعتوں کی امیدواروں نے اپنے پارٹی ٹکٹ ریٹرننگ آفیسر کے پاس جمع کرا دیے جبکہ 47 امیدوار اپنی اتحادی پارٹیوں کے حق میں دستبردار ہو گئے۔ پی پی پی کے عبدالستار بچانی نے این اے 223، سید ضیا عباس شاہ رضوی نے پی ایس 51 اور امداد علی پتافی نے پی ایس 52 کیلیے اپنے ٹکٹ ریٹرننگ آفیسر کے پاس جمع کرائے ہیں جبکہ پاکستان مسلم لیگ (ن) کی ڈاکٹرراحیلہ گل مگسی نے این اے 223 ، ڈاکٹر راحیلہ گل مگسی نے پی ایس 52 جبکہ ڈاکٹر عرفان گل مگسی نے پی ایس51 کیلیے ٹکٹ جمع کرا دیے۔



ایم کیو ایم کے ساجد وہاب خانزادہ نے قومی اسمبلی جبکہ حق نواز قائمخانی صوبائی اسمبلی کی نشست کیلیے ٹکٹ جمع کرائے۔ فنکشنل لیگ امجد حسین کھوکھرنے قومی جبکہ میر عمران تالپوراور میر محمد کھوکھر نے صوبائی اسمبلی کی نشستوں کیلیے اپنے ٹکٹ جمع کر دیے۔ اسلامی تحریک کے سید عزیز اللہ شاہ نے مظفر میر جت اور ثمر عباس شاہ جبکہ شہید بھٹو کے امین درس محکم الدین لوند سمیت دیگر جماعتوں کے امیدواروں نے پارٹی ٹکٹ جمع کرا دیے ہیں۔