کرکٹرز کے سویٹرز سے سبز رنگ غائب پی سی بی نے ’’نوٹس‘‘ لے لیا

سابق کپتان کی نشاندہی پر پی سی بی نے نوٹس لیتے ہوئے کہاکہ اس غفلت کے حوالے سے سنجیدہ انکوائری کی جائے گی۔ فوٹو : اے ایف پی

---

قومی کرکٹرز کے سویٹرز سے سبز رنگ غائب ہونے کا پی سی بی نے ''نوٹس'' لے لیا۔

آئرلینڈ کیخلاف میچ کے دوران قومی کرکٹرز کے سویٹرز سادہ جبکہ آئرش کھلاڑیوں کے پٹی والے تھے، وسیم اکرم نے سماجی رابطوں کی ویب سائٹ پر ایک تصویر شیئر کرتے ہوئے پوچھا کہ سبز رنگ کہاں ہے۔

سابق کپتان کی نشاندہی پر پی سی بی نے نوٹس لیتے ہوئے کہاکہ اس غفلت کے حوالے سے سنجیدہ انکوائری کی جائے گی، بورڈ نے سماجی رابطوں کی ویب سائیٹ کا سہارا لیتے ہوئے مسئلہ سامنے لانے پر وسیم اکرم کا شکریہ بھی ادا کیا ہے۔

یاد رہے کہ پاکستانی کھلاڑی ٹیسٹ میچز میں جو جرسی یا سویٹر پہنتے ہیں اس کے گلے میں سبز رنگ کی پٹی نمایاں ہوتی ہے۔