بیوی کی خودکشی سابق بھارتی وزیر ششی تھرور ملزم قرار

پولیس نے ششی تھرور پر اپنی بیوی کو خودکشی پر اکسانے کا الزام عائد کیا ہے۔

---

بھارت میں حزب اختلاف جماعت کانگریس کے رکن ششی تھرور پر اہلیہ کو مبینہ طور پر خودکشی کے لیے اکسانے پر ملزم قرار دیا گیا ہے۔

غیر ملکی خبررساں ادارے کے مطابق بھارت کےسابق وزیر اور کانگریس کے رکن پارلیمنٹ ششی تھرور کی اہلیہ سنندا پشکر کی موت کا معمہ آخرکار 4 سال بعد حل ہوگیا ہے۔ پولیس نے ششی تھرور کی اہلیہ کی کی موت کو خودکشی قرار دے دیا اور ان کے شوہر ششی تھرور پر اپنی بیوی کو خودکشی پر اکسانے کا الزام عائد کیا ہے۔

1/2 I have taken note of the filing of this preposterous charge sheet &intend to contest it vigorously. No one who knew Sunanda believes she would ever have committed suicide, let alone abetment on my part. If this is conclusion arrived at after 4+ yrs of investigation, (contd.)

— Shashi Tharoor (@ShashiTharoor) May 14, 2018

دوسری جانب ششی تھرور نے سماجی رابطے کی ویب سائٹ پر ٹوئٹ کرتے ہوئے اپنے خلاف لگنے والے ان الزامات کو احمقانہ قرار دیا اور کہا کہ وہ ان الزامات کا کا بھرپور طریقے سے دفاع کریں گے۔

اس خبر کو بھی پڑھیں؛ سنندا پشکر کی موت زہر دینے سے ہوئی، رپورٹ

واضح رہے ششی تھرور کی اہلیہ 17 جنوری 2014 کو نئی دلی کے ایک ہوٹل میں اپنے کمرے میں مردہ پائی گئی تھیں جب کہ پولیس نے ان کی موت کو ابتدائی رپورٹس میں خوکشی قرار دیا تھا بعد ازاں پولیس نے ہی اسے قتل قرار دے کر تفتیش شروع کی لیکن اس میں کسی کو نامزد نہیں کیا تھا۔