ایم کیوایم نے ملک بھر سے قومی وصوبائی اسمبلیوں کے امیدواروں کا اعلان کردیا

کراچی کے علاوہ اندرون سندھ سے قومی اسمبلی کی41 اور صوبائی اسمبلی کی 86نشستوں پر بھی ایم کیو ایم کے امیدوار انتخابی میدان میں شامل ہیں۔ فوٹو: فائل

---

متحدہ قومی موومنٹ کی جانب سے ملک بھر سے قومی اور صوبائی اسمبلیوں کے انتخابات میں 671 امیدوار حصہ لیں گے ۔

ایم کیو ایم کی جانب سے جاری بیان کے مطابق کراچی میں قومی اسمبلی کی 20 اور صوبائی اسمبلی کی 42 نشستوں پر ایم کیو ایم کے امیدوار میدان میں ہیں جبکہ اندرون سندھ قومی اسمبلی کی41 اور صوبائی اسمبلی کی 86نشستوں پر بھی ایم کیو ایم کے امیدوارانتخابی میدان میں شامل ہیںِ، اس کے علاوہ پنجاب سے قومی اسمبلی کی 132 اور صوبائی اسمبلی کی 256 نشستوں پر متحدہ قومی موومنٹ کے امیدوار انتخابات میں حصہ لے رہے ہیں۔

بلوچستان سے قومی اسمبلی کی 7 اورصوبائی اسمبلی کی 21 نشستوں پر ایم کیو ایم کے امیدوار کھڑے ہیں اس کے علاوہ خیبرپختونخوا سے قومی اسمبلی کے21 اور صوبائی اسمبلی کے 45 امیدوار الیکشن لڑیں گے۔