اورکزئی سیکیورٹی فورسز کی بمباری13شدت پسند ہلاک8زخمی

بوٹاخیل اورتورسمت میںایک گھنٹے تک بمباری میںعسکریت پسندوںکے4ٹھکانے بھی تباہ،فورسز کی ڈولی کی جانب پیش قدمی جاری, فوٹو اے ایف پی ، فائل

---

اپراورکزئی ایجنسی کے شورش زدہ علاقہ ماموں زئی میں شدت پسندوں کے ٹھکانوں پرجیٹ طیاروں کی بمباری سے 13 شدت پسند ہلاک اور 8 زخمی ہوگئے جبکہ ان کے 4 ٹھکانے تباہ کردیئے گئے،عسکری ذرائع کے مطابق کارروائی ماموزئی کے علاقہ بوٹا خیل اور تورسمت میں کی گئی ،سیکیورٹی فورسزکی ڈولی کے علاقہ کی طرف پیش قدمی جاری ہے۔

مقامی ذرائع کے مطابق طالبان کے زیرقبضہ اس علاقہ میں شدت پسندوں کے ٹھکانوں پر ایک گھنٹے تک بمباری کی جاتی رہی، خواہ درہ اور سانگھڑا میںسرچ آپریشن کے دوران کافی مقدار میں بارودی مواد اور راکٹ لانچر برآمد کیے گئے، ادھر پشاور کے نواحی علاقہ متنی میں دھماکے سے حجرے کے گیٹ کو جزوی نقصان پہنچا، بم ڈسپوزل یونٹ کے مطابق دھماکے میں 500 گرام بارودی مواد استعمال کیا گیا۔