سیاسی فوائد کیلیے گالم گلوچ احمقانہ فعل ہے ظفر علی شاہ

سخت زبان الیکشن کا حصہ بن چکی، زاہد حسین و دیگر کی’ لائیو ود طلعت‘ میں گفتگو. فوٹو: فائل

---

مسلم لیگ (ن) کے رہنما ظفرعلی شاہ نے کہا ہے کہ سیاسی فوائد کے حصول کے لیے گالم گلوچ کی زبان میں بات کرنا احمقانہ فعل سمجھتا ہوں، ن لیگ کی قیادت نے کبھی بھی اخلاق سے گری ہوئی زبان استعمال نہیں کی اور نہ ہی کبھی اس قسم کے لہجے کی حوصلہ افزائی کی ہے۔

ایکسپریس نیوز کے پروگرام 'لائیو ود طلعت' میں میزبان طلعت حسین سے گفتگو میں انھوں نے کہا کہ نوازشریف وضع دار ضرور ہیں لیکن خوشامد پسند نہیں ہیں۔ تجزیہ کار ہارون الرشید نے کہاکہ ایک وقت تھا جب خواجہ سعد رفیق اور چوہدری نثار پی ٹی آئی میں شامل ہوچکے تھے اور میں اس بات کا حلف دینے کو بھی تیار ہوں۔



جنرل کیانی نے مجھے کہاکہ میں نے اتنا صبر کیا ہے لیکن پھر بھی مجھے طعنے ملتے ہیں ۔ تجزیہ کار زاہد حسین نے کہا کہ پاکستان میں الیکشن میں سخت زبان استعمال کیجاتی ہے الزامات لگائے جاتے ہیں یہ روایت غلط ہے مگر یہ الیکشن کا حصہ بن چکی ہے۔ عمران خان شروع میں کہتے تھے کہ ہم کمپرومائز نہیں کریں گے مگر بعد میں انہوں نے کئی پرانے سیاستدانوں کو ساتھ ملالیا۔