آنجہانی سری دیوی کو کانز فیسٹیول میں فلم آئیکون کے ایوارڈ سے نوازدیاگیا

بالی ووڈ کی لیجنڈری آنجہانی اداکارہ سری دیوی کو کانز فلم فیسٹیول میں ٹائٹن ریگی نالڈ ایف لیوس فلم آئیکون ایوارڈ سے نواز دیا گیا ۔

ٹائٹن ریگی نالڈ ایوارڈ دنیا بھر کی فلم انڈسٹری سے تعلق رکھنے والی خواتین کو ان کے سینما انڈسٹری پر گہرے اثرات مرتب کرنے اور ان کی خدمات کے اعتراف میں دیا جاتا ہے۔

اس خبرکوبھی پڑھیں: سری دیوی کو بعد ازمرگ نیشنل ایوارڈسے نوازدیاگیا


بھارتی ہدایت کار سبہاش گھائی اور فلم پروڈیوسر نمرتا گوئل نےسری دیوی کے گھر والوں کی طرف سے یہ ایوارڈ وصول کیا۔ سبہاش گھائی نے ٹوئٹرپر کہا کہ میرے لیے یہ اعزاز کی بات ہے کہ میں نے سری دیوی کو دیا جانے والا ایوارڈ ان کے شوہر پروڈیوسر بونی کپور کی طرف سے وصول کیا۔

واضح رہے کہ تین ماہ قبل دبئی کے ایک ہوٹل میں باتھ ٹب میں ڈوبنے کے باعث ہلاک ہونے والی آنجہانی اداکارہ سری دیوی کی موت کو ابتدائی طور پردل کا دورہ قرار دیاجارہا تھا۔ تاہم فرانزک رپورٹ سامنے آنے کے بعد انکشاف ہوا کہ سری دیوی نشے کی حالت میں باتھ ٹب میں گرگئیں جہاں ان کی موت ٹب میں ڈوبنے کے باعث ہوئی۔