کراچی فائرنگ اور پرتشدد واقعات میں مزید 4 افراد جاں بحق

منگھوپیرکے علاقےمیں جھاڑیوں سےانسانی ڈھانچہ ملاہے جب کہ ناظم آباد میں فائرنگ سے 2 افراد زخمی ہوگئے۔ فوٹو:فائل

---

لاہور: شہر کے مختلف علاقوں میں فائرنگ اور دیگر پرتشدد واقعات میں مزید 4 افراد کو موت کی نیند سلا دیا گیا ہے۔

رینجرز اور پولیس کی جرائم پیشہ افراد کے خلاف کارروائیوں کے باوجود کراچی میں امن کا قیام اور انسانی لاشیں ملنے کا سلسلہ ختم ہونے کا نام ہی نہیں لے رہا ۔ آج بھی شہر کے مختلف علاقوں میں چار افراد کو قتل کردیا گیا۔ کھارادر میں پولیس چوکی کے قریب نامعلوم افراد نے فائرنگ کرکے ایک شخص کو قتل کردیا گیا، مقتول کی شناخت شیخ راحیل کے نام سے ہوئی ہے۔ ماڑی پورکے علاقے میں نامعلوم افراد نے فائرنگ کرکے محمد طاہر کو ہلاک جبکہ ایک شخص کو زخمی کردیا، مقتول کی لاش اور زخمی کوطبی امداد کےلئے اسپتال منتقل کردیا گیا ۔

ہفتے اور اتوار کی درمیانی رات عیدگاہ تھانے کی حدود میں فائرنگ سے زخمی ہونے والا اللہ ڈنو نامی شخص سول اسپتال میں دم توڑ گیا جبکہ منگھوپیرکے علاقےمیں جھاڑیوں سےانسانی ڈھانچہ ملاہے، اس کے علاوہ بورڈ آفس اور گلبہار میں فائرنگ سے 2 افراد زخمی ہوگئے۔