اڈیالہ جیل کی میڈیکل ٹیم نے اپنے ہی گھر میں قید سابق صدر پرویز مشرف کا طبی معائنہ کیا ہے۔
ایکسپریس نیوز کے مطابق 5 ڈاکٹرز پر مشتمل میڈیکل ٹیم نے سابق صدر کا طبی معائنہ کیا، میڈیکل ٹیم میں شامل ڈاکٹر عاصم بٹ کا کہنا ہے کہ معمول کے مطابق پرویز مشرف کا میڈیکل چیک اپ ہوا ہے وہ بالکل ٹھیک اور فٹ ہیں۔
واضح رہے کہ سابق صدر 14 روزہ راہداری ریمانڈ پر اپنے ہی فارم ہاؤس میں قید ہیں اور اس کا انتظام مکمل طور پر اڈیالہ جیل انتظامیہ کے ہاتھ میں ہے۔ گزشتہ روز بھی ان کا طبی معائنہ کیا گیا تھا۔