بلوچستان کے علاقے تربت میں نیشنل پارٹی کے مرکزی صدر کی رہائش گاہ کے قریب دھماکا ہوگیا تاہم دھماکے میں کوئی جانی نقصان نہیں ہوا۔

نیشنل پارٹی کے ترجمان کے مطابق دھماکے کے وقت ڈاکٹر عبدالمالک بلوچ کی رہائش گاہ پر انتخابی اجلاس جاری تھا کہ اس دوران نامعلوم افراد نے دستی بم پھینکا جو کچھ فاصلے پر گر کر پھٹ گیا تاہم دھماکے سے کسی قسم کا کوئی جانی نقصان نہیں ہوا۔

اجلاس میں نیشنل پارٹی کے مرکزی صدر ڈاکٹر عبدالمالک بلوچ اور دیگر قائدین بھی شریک تھے، پولیس کے مطابق دھماکے کے بعد ڈاکٹر مالک بلوچ کے محافظوں نے ہوائی فائرنگ بھی کی۔