سلمان خان کا بوبی دیول کو ایک اور فلم کا تحفہ

بالی ووڈ اداکار بوبی دیول کو فلم ’ریس تھری‘ کے بعد مزید تین فلمیں سائن کرچکے ہیں۔

ویب ڈیسک May 19, 2018

بالی ووڈ اداکار بوبی دیول فلم ’ریس تھری‘ کے بعد مزید 3 نئی فلموں میں نظر آئیں گے۔فوٹو: فائل

بالی ووڈ سلطان سلمان خان نے اداکار بوبی دیول کو اپنی ایک اور فلم میں شامل کرکے اس سال کا دوسرا تحفہ دے دیا۔

بالی ووڈ سلطان سلمان خان اداکاری کے ساتھ دوسروں کی مدد کرنے میں پیش پیش رہتے ہیں اور فلم انڈسٹری میں نئے چہرے متعارف کرانے میں بھی سلمان خان کسی سے پیچھے نہیں جس کی واضح مثال کترینہ کیف ، زرین خان ،اتھیا شیٹھی اور سورج پنچولی جیسی بہت سی شخصیات ہیں یہی وجہ ہے کہ سلمان خان نے ایکشن تھرل فلم 'ریس تھری' میں بوبی دیول کو شامل کرنے کے بعد اپنی ایک اور فلم میں شامل کرنے کا فیصلہ کیا ہے۔

یہ خبر بھی پڑھیں: بوبی دیول کی فلم ''ریس تھری'' میں انٹری

بھارتی میڈیا رپورٹس کے مطابق بالی ووڈ سلطان سلمان خان نے سلور اسکرین سے غائب بوبی دیول کو اپنی فلم 'ریس تھری' میں شامل کرکے ان کے ڈوبتے کریئر کو سہارا دیا جب کہ بوبی دیول کو واپس فلموں کی جانب گامزن کرنے کے لئے سلمان خان نے اپنی پروڈکشن میں بننے والی ایک اور نئی فلم میں شامل کرنے کا ارادہ کیا ہے۔

یہ خبر بھی پڑھیں: بوبی دیول کو ریس تھری کے بعد ایک اور بڑی فلم مل گئی

رپورٹس کے طابق بالی ووڈ لیجنڈری اداکار دھرمند کے بیٹے بوبی دیول نہ صرف سلمان کی نئی فلم میں جلوہ گر ہوں گے بلکہ 'ریس تھری' کرنے کے بعد وہ سلمان کی فلم 'لویتری'، 'بھارت' اور ساجد ناڈیاڈوالا کی فلم 'ہاؤس فل 4' بھی سائن کرچکے ہیں۔