ڈی ویلیئرز نے تاج محل کے سامنے اپنی گرل فرینڈ کو ’ پرپوز‘ کرنے کا راز بتادیا

2012 میں آئی پی ایل سے قبل ہی میں نے منصوبہ بنالیا اور اس مقصد کیلیے انگوٹھی بھی خرید لی تھی، جنوبی افریقی بیٹسمین۔ فوٹو: سوشل میڈیا

---

جنوبی افریقی بیٹسمین ابراہم ڈی ویلیئرز نے تاج محل کے سامنے اپنی گرل فرینڈ کو 'پرپوز' کرنے کی کہانی سے پردہ اٹھادیا۔

ابراہم ڈی ویلیئرز کا کہنا تھاکہ 2012 میں آئی پی ایل سے قبل ہی میں نے منصوبہ بنالیا اور اس مقصد کیلیے انگوٹھی بھی خرید لی تھی، جب لیگ کیلیے بھارت پہنچا تو میں نے فوٹو گرافرز اور ویڈیو میکرز کی خدمات حاصل کیں اور ان کی شناخت چھپانے کی خاطر انھیں سیکیورٹی گارڈز کے روپ میں اپنے ساتھ تاج محل آنے کو کہا ، میں نے اس بارے میں ڈینیلا کو بالکل بھی خبر نہیں ہونے دی، وہ ان کو گارڈز ہی سمجھ رہی تھی، جب میں نے تاج محل کے سامنے شادی کی خواہش ظاہر کی تو ڈینیلا حیران رہ گئیں اور اس سارے موقع کی ویڈیو بھی بن گئی۔