پیپلز پارٹی پورے ملک میں بھاری اکثریت سے کامیاب ہوگی مظفر اویس

پی ایس88 سے پی پی امیدوار اویس مظفر نے بٹھورو اور جاتی کا دورہ کیا۔

اس موقعے پر ہزاروں افراد نے ان کا استقبال کیا اور پھولوں کی پتیاں نچھاور کیں، جب وہ درگاہ ستیانی پہنچے تو درگاہ کے خلیفہ اور شیرازی برادری کے پیر حافظ غلام محمد سوہو اور ان کے مریدوں نے ان کا استقبال کیا۔اس موقع پراویس مظفر نے کہا ہے کہ جس طرح عوام میں پیپلز پارٹی کے امیدواروں کوپذیرائی حاصل ہورہی ہے، اس سے لگتا ہے کہ پیپلز پارٹی پورے ملک میں بھاری اکثریت سے کامیاب ہوگی۔ اس موقع پر صالح محمد خاصخیلی، وڈیرو صاحب ڈنو خاصخیلی، وڈیرو انب خاصخیلی، منیر محمد ملاح، رئیس قادر ڈنو لاشاری، رئیس غلام مصطفی لاشاری، رئیس سکندر خان لاشاری ، افسر لطیف لاشاری بانبھن شاہ جیلانی نے پیپلز پارٹی میں شمولیت کا اعلان کیا۔




جبکہ پیر حافظ غلام محمد سوہو نے اویس مظفر سے ملاقات کے دوران دعا کی کہ پیپلز پارٹی ٹھٹھہ سمیت پورے صوبے سے کامیاب ہوگی اور عوام شہید محترمہ بینظیر بھٹو کی پارٹی کو ووٹ دے کر ثابت کریں گے کہ پیپلز پارٹی ہی عوام کی نمائندہ جماعت ہے۔ اس موقع پر پیپلز پارٹی کے مخالف امیدوار سید اعجاز شاہ شیرازی، ایاز شاہ شیرازی، عثمان ملکانی، عبدالقادر ملکانی اور شفقت شاہ شیرازی بھی موجود تھے۔ اویس مظفر نے حافظ غلام محمد سوہو کا شکریہ ادا کرتے ہوے انھیں یقین دلایا کہ کامیابی کے بعد ٹھٹھہ شہر میں ترقیاتی منصوبوں کا نیا دور شروع ہوگا۔