دبئی میں غیر ملکی کمپنیوں کو حق ملکیت دینے کا فیصلہ

اس سے قبل غیر ملکی سرمایہ کاروں کو 49 فیصد حق ملکیت دیا جاتا تھا۔ فوٹو : فائل

---

دبئی کے حکمراں راشد المکتوم نے غیر ملکی کمپنیوں کو صد فیصد '' فارن آنر شپ '' دینے کا اعلان کردیا ہے جب کے اس سے قبل سرمایہ کاروں کو صرف 49 فیصد حق ملکیت ملتا تھا۔

بین الاقوامی خبر رساں ادارے کے مطابق دبئی کے حکمراں راشد المکتوم کی سربراہی میں ہونے والے ایک اہم اجلاس میں ویزا پالیسی سے متعلق انقلابی فیصلے کیے گئے ہیں۔ جس کے تحت غیر ملکی کمپنیوں کو سو فیصد ملکیت دے دی جائے گی جب کہ سرمایہ کاروں، سائنس دانوں، ماہرین طب، انجینیئرز، ملازمتیں فراہم کرنے والے ادارے اور تاجروں کے لیے دس سال کا رہائشی ویزہ متعارف کرا رہے ہیں۔

اجلاس میں یہ بھی فیصلہ کیا گیا ہے کہ دبئی نے تخلیقی صلاحیتوں کے حامل افراد اور تاجروں کو ہمیشہ خوش آمدید کہا ہے اور آئندہ بھی اعلیٰ اذہان اور کامیاب تاجر قیادت کو خوش آمدید کہا جائے گا۔ اسی طرح دبئی امارات میں تعلیم حاصل کرنے کی غرض سے آنے والے غیرملکی طلبا کو 5 سالہ رہائشی ویزا جب کہ غیرمعمولی صلاحیت کے حامل طلبا کے لیے 10 سالہ رہائشی ویزا جاری کیا جائے گا۔

 

At today's Cabinet meeting, we decided to allow 100% foreign ownership of companies in UAE, with a 10 year visa for investors,scientists, doctors, engineers, entrepreneurs and innovators.
The UAE has always welcomed, and always will, innovators and business leaders pic.twitter.com/N93MqK89Rp

— HH Sheikh Mohammed (@HHShkMohd) May 20, 2018

اجلاس میں ویزا پالیسی سے متعلق نئے فیصلوں کو رواں سال کے اختتام تک قابل عمل بنانے کے لیے ضروری اقدامات کا بھی فیصلہ کیا گیا جب کے متعلقہ اداروں کے افسران کو پالیسی پر جلد از جلد عمل درآمد کو یقینی بنانے کے لیے خصوصی ہدایات بھی کی گئیں۔