کراچی میں سرکاری نمبر پلیٹ والی اسلحے سے بھری گاڑی پکڑی گئی

گاڑی سے 3 کلاشنکوفس ، 6 ٹینس بال بم ، دھماکہ خيز مواد ، کیل ، نٹ بولٹ اور بھاری تعداد میں گولیاں ملی ہیں ۔ فوٹو : فائل

---

لاہور: پولیس نے آپریشن کرکے منگھو پیر سے سرکاری نمبر پلیٹ والی اسلحے سے بھری گاڑی پکڑلی۔

اتوار اور پیر کی درمیانی رات پولیس کی بھاری نفری نے منگھوپیر میں داخل ہو کر جرائم پیشہ افراد کی گرفتاری کے لئے داخلی وخارجی راستے سیل کرکے گھر گھر تلاشی لی ، 3 گھنٹے جاری رہنے والے آپریشن کے دوران سلطان آباد سے اسلحہ بھری گاڑی پکڑی گئی جس پر جی پی 1136 کی سرکاری نمبر پلیٹ لگی تھی ، گاڑی سے 3 کلاشنکوفس ، 6 ٹینس بال بم ، دھماکہ خيز مواد ، کیل ، نٹ بولٹ اور بھاری تعداد میں گولیاں ملی ہیں ۔

پولیس کے مطابق ٹارگٹڈ آپریشن میں 400 سے زائد اہلکاروں نے حصہ لیا جن میں خواتین بھی شامل تھیں ، آپریشن میں سراغرساں کتوں کی بھی مدد لی گئی ، پولیس نے 6 افرا کو حراست میں لے کرتفتیش شروع کر دی ۔ پولیس ذرائع کا دعویٰ ہےکنواری کالونی ، پختون آباد اور سلطان آباد کالعدم تنظیموں کے کارکنوں کی موجودگی کے باعث طویل عرصے سے نو گو ایریا میں تبدیل ہو چکے ہیں ، جنہیں جرائم پیشہ عناصر سے پاک کرنے کے لئےکارروائی کی گئی ۔