امریکی سینٹرل کمانڈ کے کمانڈرکا آرمی چیف کو فون سبیکا شیخ کی موت پرتعزیت

جنرل جوزف نے معصوم جان کے ضیاع پر سوگوار خاندان سے افسوس کا اظہار کیا۔

---

امریکی سینٹرل کمانڈ کے کمانڈر نے آرمی چیف جنرل قمر جاوید باجوہ کو ٹیلی فون کرکے سبیکا شیخ کی موت پرتعزیت کی۔

پاک فوج کے شعبہ تعلقات عامہ (آئی ایس پی آر) کے مطابق امریکی سینٹرل کمانڈ کے کمانڈر جنرل جوزف نے آرمی چیف جنرل قمر جاوید باجوہ کو ٹیلی فون کیا اور امریکی ریاست ٹیکساس کے اسکول میں فائرنگ سے جاں بحق ہونے والی پاکستان کی ہونہار طالبہ سبیکا شیخ کی موت پر تعزیت کی اور معصوم جان کے ضیاع پر سوگوار خاندان سے افسوس کا اظہار کیا۔

اس خبر کو بھی پڑھیں؛ سبیکا شیخ کی میت آج رات پاکستان پہنچے گی

واضح رہے کہ 18 مئی کو ٹیکساس کے شہر سانتافی کے ہائی اسکول میں اسکول ہی کے طالب علم کی فائرنگ سے سبیکاشیخ جاں بحق ہوگئی تھیں۔